Antİkorrozİya və İzolyasİya

Müasir sənaye sistemlərinin davamlılığını və uzunmüddətli etibarlılığını təmin etmək üçün korroziya və izolyasiya sistemləri mühüm rol oynayır. Metal strukturlar, boru kəmərləri, tikinti obyektləri və digər sənaye avadanlıqları uzun müddət istifadə edildikcə müxtəlif xarici təsirlərə məruz qalır. Bu təsirlər, materialların ömrünü qısaldır, istismar xərclərini artırır və təhlükəsizlik risqlərini yüksəldir.

Korroziya və izolyasiya texnologiyaları, bu problemləri minimuma endirərək, obyektlərin səmərəli fəaliyyətini təmin edir və onlara uzunmüddətli qorunma təqdim edir

Texnologiya Həlləri:

• Birkomponentli Lak-Boya Materialları (LKM)

Yüksək yapışma qabiliyyəti, xarici təsirlərə qarşı dayanıqlılığı və antikorroziv qorunmanı təmin edir. Bu materiallar, metal, beton və digər konstruksiyaların qorunması üçün istifadə olunur. Tikinti, gəmiqayırma və energetika kimi sahələrdə geniş tətbiq edilir.

• İkikomponentli Epoksid Əsaslı Lak-Boya Materialları (LKM)

Kimyəvi maddələrə, nəmə və mexaniki zədələrə qarşı yüksək dayanıqlılıq göstərir. Bu materiallar, metal konstruksiyaların, rezervuarların, boru kəmərlərinin və digər avadanlıqların korroziyaya qarşı qorunması üçün nəzərdə tutulub. Gəmiqayırma, tikinti və ağır sənaye sahələrində də geniş istifadə olunur.

• Bitum Əsaslı Örtüklər

Konstruksiyaları nəmlikdən, korroziyadan və aqressiv mühitin təsirlərindən qorumaq üçün istifadə edilir. Hidroizolyasiya, mexaniki zədələrdən müdafiə və obyektlərin davamlılığını artırmaq məqsədilə körpülər, binalar və yeraltı kommunikasiya xətlərinin tikintisində tətbiq olunur. Yüksək yapışma qabiliyyəti, istilik müqaviməti və su keçirməzlik xüsusiyyətlərinə malikdir, çətin istismar şəraitlərində belə uzunmüddətli qorunmanı təmin edir.

• Xüsusi Örtüklər

Müxtəlif materiallardan hazırlanmış konstruksiyaların mexaniki zədələrdən, yüksək temperaturdan və kimyəvi maddələrin təsirindən qorunmasını təmin edir. Bu örtüklər, nəmlikdən müdafiə funksiyasına malik olmaqla yanaşı, buxar keçiriciliyinin qarşısını alır. Yüksək etibarlılığı, estetik görünüşü və ekoloji təhlükəsizliyi ilə seçilir.

---

İstifadə sahələri:

• Metallurgiya – Metal konstruksiyaların qorunması.
• Neft və qaz sənayesi Boru kəmərlərinin, çənlərin və platformaların qorunması.
• Energetika – Elektrik stansiyalarının və enerji obyektlərinin izolyasiyası.
• Kimya sənayesi – Aqressiv mühitlərə davamlı qoruyucu örtüklər.
• Mədənçıxarma sənayesi – Texnikaların və avadanlıqların korroziyadan qorunması.
• Qida sənayesi – Saxlama çənlərinin və emal avadanlıqlarının izolyasiyası.
• Tekstil sənayesi – Nəmişlikdən və kimyəvi təsirlərdən qoruma.
• Dəmiryol və avtomobil nəqliyyatı – Körpülər, yollar və tunellərin qorunması
• Hava nəqliyyatı – Hava limanı obyektlərinin izolyasiyası.
• Gəmiçilik sənayesi – Gəmilərin və dəniz obyektlərinin korroziyaya qarşı müdafiəsi.

---